The Scout.org website uses "cookies", both internal and from third parties. Cookies are small text files placed on your end user device and help us to distinguish you from other users, to enhance your experience on scout.org. If you continue, we'll assume that you are happy to receive cookies on our website. You can change your browser's cookie settings at any time. To find out more about how we use cookies and how to manage your browser settings read our Cookies Policy.

Project

Հավասար ենք բոլորս…

8th May 2014

Ս/թ ապրիլի 24-ից մայիսի 3-ը Վրաստանի Բորժոմի քաղաքում անցկացվեց սեմինար նվիրված ֆիզիկական և մտավոր արատներ ունեցող մարդկանց հասարակությանը լիարժեք ինտեգրման հարցերին:

Մասնակից երկրների շարքում էին Հայաստանը, Ուկրաինան, Բուլղարիան, Մոլդովան, Լիտվան, Ռումինիան, Թուրքիան և Ադրբեջանը: Հայաստանը ծրագրում ներկայացնում էր ՀՄԸՄ-ՀԱՍԿ-ը: Խնդրո առարկան համակողմանի ուսումանսիրելու և լուծումներին հնարավորինս մոտենալու նպատակով ընտրված էին համապատասխան վարժություններ, ծավալվում էին թեմատիկ քննարկումներ: Ծրագրի շրջանակներում առաջնային ուշադրություն էր հատկացված գիտելիքին, սակայն առօրյան լեցուն էր ուշագրավ խաղերով և շրջայցերով:

Բոլոր մասնակիցները տարբեր կազմակերպությունների ներկայացուցիչներ էին, և փորձի փոխանակման տեսանկյունից շատ հետաքրքիր էր կիսվել կատարած աշխատանքներով ու ծրագրերով: ՀԱՍԿ-ի ներկայացուցիչներ Լիլիթ Զաքարյանը, Հայկանուշ Հովհաննիսյանը, Նարեկ Ասատրյանը և Շուշան Ասատրյանը կարողացան համակողմանի ներկայացնել կազմակերպությունը՝ առաջացնելով առանձնակի հետաքրքրություն սկաուտության նկատմամբ:

Ծրագիրը ծառայեց իր նպատակին, և առաջիկա քայլերն որոնք մշակվեցին վերջում մեր ջանքերի շնորհիվ իրականություն կդառնան: